Stor sjanse for Oltedal

Av Alf Inge

Poenget glapp i sluttsekundet

Oltedal for slappe i fyrste omgang

Espen spelte ein god kamp

Seriekamp Menn 5. Divisjon Pulje 03

Seriekamp Tasta Kunstgress 18. august 2008 kl.1900

Vardeneset BK - Oltedal FK 3-2 (2-2)

Dommer : Frode Kleppe- Tjensvoll FK

Startellever:Espen-Ragnvald-Reino-Nico-Frank-Kåre-Geggi-Ronny-Åsmund-Kristian-Arve-

Benyttede reserver: Morten -Fredrik - Jens - Kent - Egil

1-0 - 20 min. Vardeneset

2-0 - 32 min. Vardeneset

2-1 - 38 min.Geggi

2-2 - 41 min. Fredrik

Fredrik kjempa godt i andre omgang

Då Ronny Handeland måtte køyrast på legevakta med skuldera ute av ledd allereie etter fem minutt, var tonen sett for kampen mot Vardeneset 2 . Det blei omskiftningar på laget, og ingenting fungerte særleg godt. Slapp innsats prega Oltedal, utan at Vardeneset klarte å utnytta dette særleg godt. Feilane i Oltedal sitt forsvar blei fleire og grovare utover i omgangen, og då halvtimen var passert låg Oltedal under med to mål. Med vårsesongens 4-0 tap mot Vardeneset friskt i minnet såg kamputviklinga ikkje særleg lysteleg ut for Oltedal. Det var derfor svært ufortent at laget klarte å utlikna leiinga, og gå til pause med uavgjort. Geir Eirik Ravndal snappa opp ein laus ball i Vardenesetfeltet etter god jobbing av Fredrik Oftedal, og han sette kontrollert inn reduseringa. Berre minutt seinare rulla Oltedal fint opp på høgresida, og Fredrik Oftedal var påpasseleg frampå og sklei inn utlikninga. Eit flatterande resultat for Oltedal som skåra på sine einaste to målsjansar.

Kristian blei veldig sliten utover i andre omgang

Om spelarane var flaue av innsatsen i fyrste omgang eller om det var trenar Per Arne som oppildna dei er uvisst, innsatsen var i alle høve på eit mykje høgare nivå i andre omgang. Vardeneset hadde ballen mest, men klarte ikkje å skapa farlege målsjansar. Oltedal var framme på fleire farlege kontrongar, og burde eigentleg vunne denne kampen med eit par mål. Mot slutten av kampen byrja kreftene å ta slutt for fleire av spelarane, og to og eit halvt minutt på overtid klarte Vardeneset å pirka inn sigersmålet. Eit veldig surt tap for Oltedal, men likevel mykje positivt å ta med seg til neste kamp mot Sviland på fredag.

Reino fekk skikk på forsvaret etter kvart

(19.08.08)